Автор жайында

Алла сіздерге бейбітшілік пен береке берсін!

Менің аты-жөнім Рысжанов Серік Болатжанұлы. Өскемен қаласында (Шығыс Қазақстан) 1971 жылы дүниеге келгем. Орта мектеп аяқтағам. Сәтбаев атындағы Политехникалық институтында оқығанмын. КСРО-ның ыдырауы кезінде екінші курста оқудан шығып кеткем. 1998 жылы Исламға қызығушылық таныта бастадым. Әбу Ханифа мәзһабы мен Сүлеймен Хилми түрік тариқатын ұстанғам. Исламдағы түрлі көзқарастарға тап болғаннан кейін кездестіре алған бағыттарды іс жүзінде зерттеуді шештім. Таблиғи-Жамағатында болғам, Хизбут-Тахрирдің және Нақшбанди сопылық орденінің материалдарын зерттегем, Саид Нурси түрік бағытының дәрістеріне қатысқам, «Ахмадия» сектасының өкілдеріменен пікірталасқам, сәләфи әдебиетін (Ибн-Таймия, Әбд-Әл-Уаххабтың және т. б.) оқып, олардың қағидаларын өмірімде біраз уақыт ұстанғанмын, сондай-ақ «тәкпіршілерге» де тап болғам.

Книга перевод корана Книга перевод корана 1

Сайтқа кірушілер! Алла сіздерге бейбітшілік пен береке берсін!

Сіздерге баламалы көзқарас ретінде бастамаланған және ақырғы ақиқатқа талаптанбайтын ақпараттық-ағарту ресурсы ұсынылады.

Бұл жоба коммерциялық болып келмейді. Сатылымда Құран аудармасының өзіндік құнымен өткізілетін баспа нұсқасы бар, оны келесі сілтеме арқылы сатып алуға болады: https://narok.kz/.

Сіздердің ыңғайлылығыңыз үшін сайт айдарларға бөлінген, оларды дәйектілікпен зерттегеннен кейін автор ойының логикасын түсіне аласыздар. Туындайтын сұрақтарды алдын-ала (көп жылдық пікірталас тәжірбиесінің негізінде) біле тұра, барлық материалдарды зерттеп білмегендеріңізше сұрақтарыңызды қоймауларыңызға көптен-көп өтініш білдіріледі. Себебі жауаптар мақалаларда бар, материалдарды мұқият түрде зерттесеңіздер оларды табасыздар. Алланың келесі сөздері барлық мақалалардың басты өлшемі болып келеді: 

Олардың көпшілігі тек жорамалдарға ғана ереді. Расында, жорамалдың ақиқат үшін еш пайдасы жоқ. Расында, Алла олардың жасаған істерін Білуші! (10:36) 

Бірақ оларда ол жөнінде ешқандай білім жоқ. Расында, олар тек жорамалдарға ғана ереді. Расында, жорамалдың ақиқат үшін еш пайдасы жоқ! (53:28)

Бұл, автордың Құранның нақты тезистеріне сүйенуге тырысқанын білдіреді, сол себептен автордың пікірі тарихи Исламдағы көпшіліктің пікірімен бірікпеді. Материалдарда Құранның үзінділерінің авторлық аудармасы ұсынылады, бүкіл Құранның аудармасы да сайтта орналастырылған. Басқа аудармалармен салыстырсаңыздар және ескерту жасасаңыздар болады, алайда бұны араб тілін және Құранның грамматикасын біліп жасағаныңыз жөн. 

Жоғарыда айтылғандай автордың бұл қөзқарасы ақырғы ақиқатқа талаптанбайды, сондықтан кез келген конструктивті сын, кез келген ескертпе, Құранға мығым негізделсе, ескерілетін болады, және объективті талқылаудан кейін автор өз пікірін ақиқатқа сәйкес түзетеді. Сондықтан, ақиқатты шынайы іздесеңіздер әрі сіздерге бәрібір болмаса, кері байланысқа өз дәлелдемелеріңізді жазыңыздар. Сонымен қатар форумға қатысып, ойларыңызбен бөліссеңіздер болады. Әлбетте, бұзуға болмайтын белгілі бір этика ережелері бар. Өз ойымды жеткіземін деп ниеттенсеңіздер, бұл ережелерді бұзбауларыңызға өтініш білдіріледі, кері жағдайда ойларыңыз елеместікке салынады және сіздер жауапсыз қаласыздар. Форумда кім ережені бұзса, сол администратордан ескерту алады, ескертуге құлақ салмай, бұзушылықты жалғастырса – форумнан шығарылуы мүмкін. 

Ережелер мынадай: 

· Балағат сөздерге тыйым салынады;
· Тұлғаны қорлауға тыйым салынады;
· Кәпір деп айыптауға (тәкфирге) тыйым салынады;
· Коммерциялық жарнамаға және қандай да бір бағытты жарнамалауға тыйым салынады;
· Нақты тақырып бойынша және нақты сұрақ бойынша жазыңыздар; 

Сайтта баяндалған ақпараттың мәні – Исламдағы дереккөздердің шынайы мәртебесін анықтау және Құранмен дұрыс қолдану. Әр ағымда, әр сектада және әр бағытта өз «шындығы», өз түсіндірмесі бар екендігін адамзат тарихы көрсетеді. Осы факт мұсылмандардың бөлінуінің негізгі себепшісі болып тұр. Автор болса адамның емес Алланың пікіріне сүйенемін деп шешім қабылдаған: 

Ол саған Кітап түсірді. Оның ішінде ашық мағыналы белгілер бар, олар Кітаптың іргетасы, және оларға ұқсас басқалары бар. Жүректерінде ауытқу барлар оларға ұқсастарға ереді, олардың мағынасын ашуға ұмтылады және бүлік шығаруға ұмтылады. Олардың мағынасын Алладан басқа ешкім білмейді! (3:7) 

Дәлелдеменің негізіне түсінікті, айқын белгілер алынады, ал түсініксіз, бірнеше мағынада түсіндірілетін белгілер – алынбайды. Түсініксіз белгілер айқын белгілерге қосымша ретінде және жанама дәлелдер ретінде қолданыла алады.
Сайттың авторы барлықтарыңызға бейбітшілік пен жақсылық тілейді және конструктивті қарым-қатынасқа үміттенеді.

Пікірлестердің материалдары